Shtëpia e “Big Brother VIP Kosova 5” tashmë është mbushur me banorët e rinj, të cilët kanë nisur të njihen mes vete dhe të krijojnë përshtypjet e para për njëri-tjetrin.

Megjithatë, një moment gjatë spektaklit ka ngjallur dyshime se në shtëpi mund të ketë edhe një hyrje tjetër.

Teksa prezantuesi Alaudin Hamiti po jepte një njoftim para banorëve, reperi Fuego është ngritur në këmbë dhe ka pyetur nëse pritej të hynte edhe një banor tjetër.

Reagimi i tij ka ngritur menjëherë kuriozitetin, ndërsa në rrjetet sociale mund të lindë pyetja nëse bëhet fjalë për reperin Fero, i cili më herët kishte mohuar mundësinë e pjesëmarrjes në këtë edicion.

Mbetet të shihet nëse pyetja e Fuegos lidhet me ndonjë hyrje të re apo ishte thjesht një reagim ndaj njoftimit të prezantuesit. /Telegrafi/

– YouTube youtu.be