Tre banorët e parë kanë hyrë në shtëpinë e Big Brother VIP Kosova, një ditë para nisjes zyrtare të spektaklit.

Pas hyrjes së tyre, sonte në shtëpi është futur edhe një banore e ftuar.

Bëhet fjalë për Elijonën, ish-finalisten e Big Brother VIP Kosova, e cila është një personazh mjaft i dashur për publikun.

Sapo Elijona hyri në shtëpi, Vëllai i Madh ngriu banorët, duke mos i lejuar ata të lëviznin, në përputhje me rregullat e lojës.

Deri më tani, nuk është bërë e ditur se sa do të qëndrojë Elijona në shtëpi, ndërsa mbetet të shihet nëse ajo do të jetë aty edhe nesër, para nisjes së spektaklit të madh.

Ndërkohë, hyrja e tre banorëve një ditë para premierës zyrtare ka qenë një surprizë për fansat e spektaklit, të cilët prisnin që gjithçka të niste të premten.

Megjithatë, spektakli i së premtes, më 30 tetor, nuk është anuluar dhe pritet të mbahet sipas planit.

Hyrjet e papritura kanë zgjuar interesimin e publikut, i cili tashmë është kurioz të mësojë se cilët do të jenë banorët e tjerë që do t’i bashkohen këtij edicioni.

Konkurrentët do të qëndrojnë për 100 ditë në shtëpinë e BBVK-së, ku do të përballen me sfida, dinamika dhe situata të ndryshme, në garën për çmimin e madh prej 200 mijë eurosh.