Dy shtetas të Kosovës të kërkuar me urdhërarrest ndërkombëtar janë ekstraduar të premten nga Mali i Zi dhe Gjermania, në dy operacione të realizuara nga Policia e Kosovës në bashkëpunim me institucionet përkatëse.
Njëri prej tyre është dërguar në Qendrën Korrektuese në Prishtinë për të filluar vuajtjen e dënimit, ndërsa tjetri i është dorëzuar Policisë në Prizren për procedura të mëtejshme ligjore.
Sipas njoftimit të Policisë së Kosovës, më 23 tetor, nga Mali i Zi është ekstraduar shtetasi S.M., i cili kërkohej me urdhërarrest ndërkombëtar të lëshuar nga institucionet e drejtësisë për përfshirje në veprimtari penale.
Pas përfundimit të procedurave ligjore, ai është dërguar në Qendrën Korrektuese në Prishtinë për fillimin e vuajtjes së dënimit.
Po të njëjtën ditë, nga Gjermania është ekstraduar edhe shtetasi E.B., i cili gjithashtu kërkohej me urdhërarrest ndërkombëtar.
Pas ekstradimit, ai i është dorëzuar njësive përkatëse të Drejtorisë Rajonale të Policisë në Prizren për procedura të mëtejshme ligjore.
Sinjali – aty ku e vërteta flet para lajmit!
Burimi: Sinjali
