Kylian Mbappe ishte shumë pranë triumfit në garën për Topin e Artë, por në fund u mposht nga Harry Kane me një diferencë prej më pak se 40 pikësh.

Sipas deklaratave të drejtorit të revistës France Football, organizatorit të çmimit prestigjioz, gara mes dy yjeve ishte jashtëzakonisht e ngushtë, me Kane që siguroi fitoren me njërën prej diferencave më të vogla në historinë e këtij çmimi.

Drejtori zbuloi se Mbappe kishte qenë në krye të garës për një periudhë të gjatë, por në fund sulmuesi anglez arriti ta kalonte dhe të fitonte Topin e Artë.

Diferenca mes tyre ishte edhe më e vogël se ajo mes Rodrit dhe Vinicius Juniorit në vitin 2024, kur mesfushori spanjoll e fitoi çmimin me 41 pikë më shumë se braziliani.

“Midis Kane dhe Mbappe, diferenca ishte minimale këtë vit. Diferenca e pikëve midis tyre është më e vogël se midis Rodrit dhe Vinicius në vitin 2024. Atëherë ishte 41 pikë, që në vetvete nuk ishte shumë”, ka thënë Garcia.

Kjo tregon se gara e këtij viti ishte vendosur nga detaje minimale dhe se Mbappe ishte shumë pranë realizimit të një prej synimeve më të mëdha në karrierën e tij.

Pavarësisht se për një kohë të gjatë shihej si favorit, francezi mbeti pa çmimin, ndërsa Kane përfundoi në histori si fitues i Topit të Artë./Telegrafi/