Bimët, yndyrnat dhe ushqimet e fermentuara mund të ndihmojnë në zvogëlimin e rrudhave, në rritjen e prodhimit të kolagjenit dhe në përmirësimin e teksturës së lëkurës sonë.

Lëkura është organi më i madh i trupit dhe duhet të na shërbejë gjatë gjithë jetës. Përveçse na ndihmon të ruajmë një pamje rinore, kujdesi i mirë për lëkurën ndikon pozitivisht edhe në shëndetin tonë të përgjithshëm.

Por, si barriera që ndan trupin tonë nga bota e jashtme, lëkura përballet me shumë ndikime të dëmshme. Shumë faktorë mjedisorë kontribuojnë në plakjen e saj, përfshirë ndotjen e ajrit, ozonin dhe ndryshimet klimatike, thotë Jean Krutmann, profesor i dermatologjisë në Institutin Kërkimor Leibniz për Mjekësinë Mjedisore.

“Për dekada me radhë kemi menduar se rrezatimi ultravjollcë ishte shkaktari kryesor i plakjes së lëkurës nga faktorët mjedisorë. Tani e dimë se kjo nuk është e saktë”, thotë Krutmann. “Edhe gjatësitë e tjera valore të dritës natyrore të diellit mund të kontribuojnë në plakje, për shembull, drita e dukshme dhe rrezatimi infra i kuq.” Sipas tij, edhe rritja e temperaturës mund të ndikojë në këtë proces.

Pastaj është edhe vetë kalimi i kohës. Me kalimin e moshës, trupi ynë humbet gradualisht kolagjenin, një proteinë që i jep lëkurës strukturë dhe qëndrueshmëri. Kjo humbje mund të çojë në shfaqjen e rrudhave.

Burimi: Dukagjini