Një amerikan nga Idaho, i cili mban numrin më të madh të titujve të njëkohshëm Guinness World Records në këtë shtet, ka vendosur një tjetër rekord, pasi së bashku me partnerin e tij hodhi dhe kapi një top medicinal prej pesë kilogramësh, duke mbajtur doreza boksi.

David Rush, i cili ka më shumë se 200 rekorde Guinness, u bashkua me Chris Stumph për të provuar rekordin për numrin më të madh të kapjeve të një topi medicinal nga dy persona, të veshur me doreza boksi, brenda një minute.
Rekordi i mëparshëm ishte 32 kapje dhe ishte vendosur në vitin 2025 nga Johnny Cruz Buckingham dhe Adam Farah, transmeton Telegrafi.
“Në letër, të luash me top për 60 sekonda duket diçka e thjeshtë. Por hedhja e një topi prej pesë kilogramësh në një distancë prej pesë metrash, duke mbajtur doreza të mëdha e të mbushura që nuk të lejojnë ta kapësh mirë, ngjan më shumë me një kaos të kontrolluar sesa me një sport”, shkroi Rush në internet.
Rush dhe Stumph vendosën dorezat e boksit dhe nisën ta hidhnin e ta kapnin topin në një distancë prej rreth pesë metrash.
Dyshja vuri re se mund ta rriste shpejtësinë duke përdorur hedhje anësore, në vend të hedhjeve nga poshtë, të cilat ishin përdorur nga personat që kishin tentuar më parë rekordin.
Në fund, ata arritën ta kapnin dhe ta hidhnin topin 45 herë brenda një minute, duke tejkaluar rekordin e mëparshëm.
Megjithatë, rezultati duhet të shqyrtohet dhe të miratohet nga Guinness World Records për t’u njohur zyrtarisht si rekord i ri. /Telegrafi/
– YouTube www.youtube.com





