Albin Berisha ka shënuar dy gola për skuadrën vendase, ndërsa nga një gol e kanë realizuar mesfushori brazilian Giovanni Ribeiro dhe mbrojtësi Diar Vokrri.

Berisha ka shënuar në minutën e nëntëmbëdhjetë dhe në minutën e dyzet e shtatë, dy minuta pas fillimit të pjesës së dytë. Giovanni e ka ngritur epërsinë në 3:0 në minutën e gjashtëdhjetë e katërt, ndërsa Vokrri e ka vulosur fitoren katër minuta më vonë.

Në minutën e dyzet e katërt, Berisha kishte shënuar edhe një herë, por goli i tij është anuluar pas rishikimit të pamjeve me VAR.

Kjo është fitorja e dytë rresht për Ballkanin, pas triumfit në tavolinë ndaj Vushtrrisë, pasi futbollistët e kësaj të fundit nuk ishin paraqitur në fushë.

Në anën tjetër, Drenica vazhdon serinë negative dhe mbetet pa fitore që nga 20 shtatori. As ardhja e trajnerit Gentjan Mezani, i cili e zëvendësoi Jeton Mehmetin, nuk ka sjellë ende ndryshimin e pritur te skuadra kuqezi.

Pas kësaj fitore, Ballkani renditet në vendin e katërt në tabelë, ndërsa Drenica zë pozitën e tetë. Superligën e kryeson Malisheva.

Burimi: RTKLive