Zhvillimi i robotikës po arrin nivele gjithnjë e më të avancuara, ndërsa Kina po synon të krijojë makina që mund të kryejnë edhe detyra që kërkojnë precizitet ekstrem njerëzor.

Një demonstrim i realizuar në Pekin ka tërhequr vëmendje të veçantë, pasi dy duar robotike arritën të kalonin një fije, më të hollë se një fije floku, nëpër vrimën e një gjilpëre.
Sistemi robotik përdorte afro 20 motorë që punonin në koordinim, si dhe sensorë të specializuar për të realizuar lëvizje jashtëzakonisht të sakta.
Demonstrimi u ndoq edhe nga presidenti kinez Xi Jinping, në kuadër të përpjekjeve të Kinës për të avancuar teknologjinë vendore dhe për të zvogëluar varësinë nga furnizuesit e huaj.
Ekspertët vlerësojnë se zhvillimi i duarve robotike me aftësi të tilla mund të hapë mundësi të reja në industri, mjekësi dhe fusha të tjera ku kërkohet precizitet i lartë.
Sinjali – aty ku e vërteta flet para lajmit!
Burimi: Sinjali





