Skuadra e drejtuar nga Mikel Arteta ka fituar gjashtë nga shtatë ndeshjet e para të kampionatit, duke u dalluar edhe për qëndrueshmërinë në fazën defensive.

“Topçinjtë” kanë pranuar më pak gola se çdo skuadër tjetër në ligë, ndërsa kanë lejuar edhe më pak goditje në kuadratin e portës.

Arsenali ndodhet tri pikë prapa liderit Manchester City dhe synon të mos lejojë shkëputjen e rivalit në garën për titullin kampion.

Megjithatë, Arteta do të ketë disa mungesa të rëndësishme për këtë përballje. Ëilliam Saliba, i cili ka probleme me shpinën, dhe Bukayo Saka, që vuan nga një dëmtim në kofshë, do të vazhdojnë të jenë jashtë fushës. Në listën e lojtarëve të lënduar përmendet edhe Christos Tzolis, me probleme në muskujt e pasmë të kofshës.

Në anën tjetër, Evertoni paraqitet me skuadrën e plotë, një lajm i mirë për trajnerin David Moyes. Skuadra e tij pësoi humbjen e parë në kampionat javën e kaluar ndaj Chelseat dhe synon të rikthehet te rezultatet pozitive për të mbetur në pjesën e sipërme të tabelës.

Statistikat nuk janë në favor të mysafirëve. Evertoni nuk ka fituar në tri ndeshjet e para si mysafir këtë sezon, duke regjistruar tri barazime. Gjithashtu, skuadra nga Liverpooli ka arritur vetëm një fitore në 30 vizitat e fundit në fushën e Arsenalit.

Arsenali ka fituar të dyja përballjet ndaj Evertonit në sezonin e kaluar, me rezultat 1-0 në udhëtim dhe 2-0 në “Emirates”. Për më tepër, londinezët janë të pamposhtur në shtatë ndeshjet e fundit kundër kësaj skuadre.

Formacionet e mundshme

Arsenal: Raya, Timber, Konsa, Gabriel, Calafiori, Guimaraes, Rice, Eze, Odegaard, Madueke, Havertz.

Everton: Pickford, Maitland-Niles, Tarkoëski, Branthëaite, Mykolenko, Armstrong, Garner, Röhl, Deësbury-Hall, Grealish, Barry.

Burimi: RTKLive