Këngëtari i njohur, Yll Limani, ka reaguar pas vrasjes së Arlinda Zekajt, e cila u vra mbrëmjen e së dielës në Vitomiricë të Pejës.
Përmes një postimi në Instagram Story, Limani ka rikujtuar se viktima kishte raportuar më parë dhunë në familje dhe kishte kërkuar ndihmë para se t’i merrej jeta.
“Arlinda Zekaj u vra mbrëmë. Para se me ia marrë jetën, ajo kishte raportu dhunë në familje dhe kishte kërku ndihmë”, ka shkruar këngëtari.
Vrasja e Arlinda Zekajt ka nxitur reagime të shumta në opinionin publik, ndërsa rasti ka rikthyer në vëmendje çështjen e mbrojtjes së grave që raportojnë dhunë në familje dhe përgjegjësinë e institucioneve për garantimin e sigurisë së tyre.
Për rastin tragjik, Policia e Kosovës ka shpallur në kërkim Albert Sylajn, kunatin e viktimës, i cili dyshohet për veprën penale të vrasjes së rëndë.
Sinjali – aty ku e vërteta flet para lajmit!
Burimi: Sinjali
