Ambasada e Republikës së Kosovës në Gjermani ka mirëpritur fëmijët kosovarë që morën pjesë në Olimpiadën Einstein në Berlin, ku ata patën mundësinë të dëshmojnë njohuritë dhe aftësitë e tyre në Matematikë dhe Shkencë, shkruan Telegrafi.

Përmes një postimi në Facebook, Ambasada ka vlerësuar angazhimin dhe përkushtimin e pjesëmarrësve, duke shprehur krenarinë për paraqitjen e tyre në këtë olimpiadë.

“Jemi krenarë për angazhimin, përkushtimin dhe guximin e secilit prej tyre për të sfiduar veten dhe për të treguar njohuritë e fituara!”, thuhet në postimin e Ambasadës.

Në këtë rast, Ambasada u ka uruar fëmijëve suksese të mëtejshme në rrugëtimin e tyre drejt dijes.

Po ashtu, ka falënderuar Merita Alickaj Lezin dhe Kosova Global Talent Center për iniciativën dhe organizimin e këtij aktiviteti.

Olimpiada Einstein u ofron të rinjve mundësi për të vënë në provë njohuritë e tyre dhe për të zhvilluar interesimin për shkencën dhe matematikën./Telegrafi/