Alexia Putellas është shpallur fituese e Topit të Artë për Femra 2026. Futbollistja e Barcelonës dhe e Përfaqësueses së Spanjës e fiton për herë të tretë këtë çmim prestigjioz, pas triumfeve në vitet 2021 dhe 2022, duke barazuar rekordin e bashkëkombëtares së saj, Aitana Bonmatí.

Putellas është një nga figurat kryesore të futbollit të femrave dhe ka luajtur rol të rëndësishëm në sukseset e Barcelonës, me të cilën ka fituar trofe të shumtë vendorë dhe evropianë.

Me paraqitjet e saj në mesfushë, aftësinë për të krijuar raste dhe ndikimin në lojën sulmuese, ajo është shndërruar në një prej emrave më të rëndësishëm të gjeneratës së saj.

Të nominuara ishin edhe Temwa Chawinga, Melchie Dumornay, Caroline Graham Hansen, Patri Guijarro, Pernille Harder, Ewa Pajor, Clàudia Pina, Alessia Russo dhe Khadija Shaw. /Telegrafi/