Dy persona të lënduar në aksidentin e komunikacionit në Zhur të Gjakovës janë sjellë nga Spitali i Gjakovës në Qendrën Klinike Universitare të Kosovës (QKUK), ku kanë marrë trajtimin e nevojshëm mjekësor.
Shefi i Emergjencës në QKUK, Naser Syla, ka konfirmuar për Gazetën Sinjali se të dy të lënduarit kanë pësuar politrauma të rënda, ndërsa gjendja shëndetësore e njërit prej tyre, një fëmije dyvjeçar, është e rëndë dhe jo stabile.
Syla ka bërë të ditur se në Qendrën Emergjente janë kryer ekzaminimet e nevojshme, ndërsa fëmija pritet të transferohet në Mjekimin Intensiv (MIQ) për trajtim të mëtejshëm.
“2 të lëndum i sjellin nga spitali gjakovës, akcident komunikacioni, njeri fëmi 2 vjeqar, gjendje erëndë dhe jo stabile, jonë kry egzaminimët e nevojshme në QE, fëmija do të transferohët në MIQ për trajtim të me tutjeshëm.të dy rastët jonë plitrauma të rënda”, ka deklaruar Syla për Sinjalin.
Aksidenti ka ndodhur në fshatin Zhur të Gjakovës, ndërsa sipas njoftimit të mëhershëm të Spitalit të Përgjithshëm “Isa Grezda”, në këtë aksident janë lënduar pesë persona.
Sinjali – aty ku e vërteta flet para lajmit!
Burimi: Sinjali
