Një person ka mbetur i lënduar si pasojë e një aksidenti trafiku që ka ndodhur sot pasdite në rrugën “Transiti i vjetër” në Prizren.
Në aksident janë përfshirë dy automjete, ndërsa përveç lëndimeve trupore janë shkaktuar edhe dëme materiale.
Gazeta Sinjali ka raportuar më parë për këtë aksident, ndërsa lajmin për Sinjalin e ka konfirmuar zëdhënësi i Policisë së Kosovës për rajonin e Prizrenit, Shaqir Bytyqi.
Ai bëri të ditur se aksidenti është raportuar rreth orës 16:08, më 19 tetor 2026, dhe se të paktën një person ka pësuar lëndime trupore.
“Më datën 19.10.2026, rreth orës 16:08, është raportuar një aksident trafiku në mes të dy automjeteve, në rrugën ‘Transiti i vjetër’ në Prizren. Si pasojë e aksidentit, janë shkaktuar dëme materiale dhe së paku një person ka pësuar lëndime trupore”, deklaroi Bytyqi.
Tutje, ai bëri të ditur se njësitet policore kanë dalë menjëherë në vendin e ngjarjes dhe kanë ndërmarrë veprimet e nevojshme hetimore për të sqaruar rrethanat dhe shkaqet që çuan deri te aksidenti.
Sinjali – aty ku e vërteta flet para lajmit!
The post Aksident mes dy veturave në Prizren, lëndohet një person appeared first on Sinjali.
Burimi: Sinjali
