Ish-modelja Adrianne Curry ka kritikuar ashpër vendimin e Victoria’s Secret për të përfshirë Kylie Jenner në sfilatën e këtij viti, duke deklaruar se ajo ‘nuk e ka trupin e një modeleje’.

Fituesja e sezonit të parë të “America’s Next Top Model” shprehu pakënaqësinë e saj veçanërisht për faktin që Jenner u shfaq në pasarelë me sytjenat e famshme “Fantasy Bra”, të zbukuruara me 4.410 diamante natyralë dhe me vlerë prej 50 milionë dollarësh.

Sipas Curry, ky aksesor duhej t’i jepej një prej engjëjve më të spikatur të Victoria’s Secret, duke e krahasuar vendimin me dhënien e një titulli të rëndësishëm dikujt që nuk e ka fituar atë.

Kylie Jenner

Ajo kritikoi edhe drejtimin e ri të markës, duke pretenduar se dikur Victoria’s Secret krijonte yje të mëdha të modës, ndërsa sot mbështetet më shumë te fama e personazheve të njohur.

Si shembull të modeleve që, sipas saj, përfaqësojnë më mirë markën, Curry përmendi Adriana Limën, duke theksuar se ajo u zbulua nga industria e modës pa qenë më parë një influencuese e famshme.

Deklaratat e ish-modeles shkaktuan reagime të ndara në rrjetin social X. Disa përdorues e mbështetën, ndërsa të tjerë e akuzuan për xhelozi.

Sfilata e këtij viti u mbajt në Los Angeles, ku morën pjesë edhe emra të njohur të modës si Gigi Hadid, Barbara Palvin dhe Alessandra Ambrosio.

Adrianne

Në event performoi edhe këngëtarja Tate McRae, ndonëse Kylie u ndoq nga partneri i saj, aktori Timothee Chalamet dhe nëna e saj, Kris Jenner. /Telegrafi/