Zëvendëskryeministri i parë dhe ministri i Punëve të Jashtme dhe Diasporës, Glauk Konjufca, ka emëruar në shërbimin diplomatik një familjare të një deputeteje të Lëvizjes Vetëvendosje.

Emërimi ka të bëjë me tezen e deputetes së VV-së, e cila është caktuar në një pozitë diplomatike në Hagë.

Sipas raportimit të Nacionales, Lumturie Lipoveci është emëruar me gradë diplomatike këshilltare në Hagë, me mandat prej katër vjetësh.

Lipoveci është teze e deputetes së Lëvizjes Vetëvendosje, Krenare Çerkinit.

Afërsia mes Çerkinit dhe Lipovecit vërehet edhe në rrjete sociale. Lipoveci në vitin 2018 kishte shpërndarë një sukses të tashmë deputetes në profilin e saj, gjest ky për të cilin Çerkini e kishte falënderuar me komentin “faleminderit tetushe”.

Burimi: Insajderi