Nga operacioni kundër një grupi të dyshuar ndërkombëtar të drogës te grabitja e një dege të BPB-së në Prishtinë, këto janë ngjarjet kryesore që raportoi Gazeta Sinjali në 24 orët e fundit.

Mbi 37 kilogramë heroinë dhe pesë të arrestuar
Në operacionin kundër një grupi të dyshuar ndërkombëtar të drogës u sekuestruan mbi 37 kilogramë heroinë, me vlerë të vlerësuar rreth 550 mijë euro. Sinjali raportoi ekskluzivisht emrat e pesë të arrestuarve.

Ekskluzive | Goditet grupi i dyshuar ndërkombëtar i drogës në Kosovë – kapen mbi 37 kilogramë heroinë, vlera rreth 550 mijë euro: Sinjali zbulon emrat e pesë të arrestuarve

Raportoi vjedhjen e mbi 100 armëve, dyshohet se i shiti vetë
Valon Curri, pronari i “Tactical” në Gjakovë, u arrestua nën dyshimin se kishte inskenuar vjedhjen që vetë e kishte raportuar në Polici. Hetuesit dyshojnë se armët i kishte shitur vetë.

Ekskluzive | Nga viktimë e vjedhjes në të dyshuar për inskenimin e saj – arrestohet pronari i “Tactical” në Gjakovë, dyshohet se i shiti vetë mbi 100 armët

Grabitje në BPB në mes të ditës
Një person dyshohet se ia drejtoi pistoletën një punonjëseje të bankës në Prishtinë, mori paratë dhe u largua.

Pistoleta në drejtim të punonjëses, paratë në duart e grabitësit – sulmohet BPB-ja në Prishtinë në mes të ditës, autori zhduket

Dosja e mashtrimeve me ‘call center’
Tre persona u arrestuan, ndërsa një i dyshuar i katërt dyshohet se ndodhet në Suedi. Në kuadër të operacionit u sekuestruan 24 kompjuterë dhe katër vetura.

Ekskluzive | Tre në pranga, i katërti dyshohet se është në Suedi – kush janë katër personat në dosjen e mashtrimeve me Call Center-a, sekuestrohen 24 kompjuterë e katër vetura

Grabitja e një shtetaseje braziliane në Pejë
Sinjali raportoi identitetin e tre të dyshuarve dhe detaje nga hetimet. Dyshohet se ata i ndanë paratë pas grabitjes dhe se njëri bleu një varëse “Pandora”. Hetimet zbuluan gjithashtu 265 euro dhe telefonin e dëmtuar të viktimës.

Ekskluzive | Këta janë tre të dyshuarit për grabitjen e brazilianes në Pejë – njëri bleu varëse “Pandora” me paratë e grabitura, tjetrit i gjendet iPhone-i i dëmtuar

Dy raste që përfshijnë fëmijë
Në “Prishtina Mall”, një burrë dyshohet se goditi një 7-vjeçar në këndin e lojërave. Rasti u dokumentua nga kamerat e sigurisë. Në Pejë, një 13-vjeçare denoncoi babanë për ngacmim seksual. Ai u arrestua.

Tronditëse në “Prishtina Mall” – burri dyshohet se rrahu 7-vjeçarin në këndin e lojërave, kamerat zbulojnë sulmin ndaj fëmijës

Denoncime për dhunë dhe kërcënime në familje
Në Prishtinë, një grua denoncoi bashkëshortin për presion psikologjik dhe kanosje përmes telefonit. Ai u dërgua në mbajtje. Në Vushtrri, një grua raportoi se bashkëshorti e kishte kërcënuar me vrasje. Policia gjeti 30 fishekë gjatë kontrollit të banesës, ndërsa gruaja u strehua në një vend të sigurt. Në Ferizaj, një 38-vjeçar u ndalua pasi dyshohet se goditi babanë në fytyrë dhe kërcënoi nënën.

“Do të të vras” – gruaja denoncon kërcënimin nga bashkëshorti në Vushtrri, Policia kontrollon banesën dhe gjen 30 fishekë, ajo strehohet në vend të sigurt

Tentuan t’i iknin Policisë në Ferizaj
Në parkingun e “Hib Petrol”, shoferi u mbyll në veturë. Zyrtarët policorë thyen xhamat për të ndërhyrë dhe gjetën marihuanë.

Tentuan t’i iknin Policisë në parkingun e “Hib Petrol” në Ferizaj – shoferi mbyllet në veturë, policët ia thyejnë xhamat dhe gjejnë marihuanë

Një 53-vjeçar vdiq në Suharekë, një 65-vjeçare u dërgua në QKUK
Një 53-vjeçar nga Istogu vdiq papritur në Suharekë pasi kishte dalë në pushim me kolegët. Trupi u dërgua për autopsi. Në një rast tjetër, në Dragash, një 65-vjeçare u dërgua në QKUK pasi bashkëshorti ndërhyri për t’i dhënë ndihmë.

Momente të rënda për një familje në Dragash – bashkëshorti ndërhyn për t’i shpëtuar jetën gruas, 65-vjeçarja dërgohet në QKUK

SINJALI 24 – Kur ti flije, ne e përcollëm Kosovën.

Shënim: Personat e përmendur në këtë lajm konsiderohen të pafajshëm derisa fajësia e tyre të vërtetohet me vendim të formës së prerë të gjykatës.

Sinjali – aty ku e vërteta flet para lajmit!

/GazetaSinjali/

Burimi: Sinjali