Ish-komentatori i njohur i sportit, Dritan Shakohoxha, ka komentuar disa nga momentet më të diskutuara të Big Brother VIP Albania, gjatë paraqitjes së tij si i ftuar në emisionin “Live me Luizin”, që drejtohet nga Luiz Ejlli.
Ndër ngjarjet për të cilat foli ishte edhe incidenti mes Jozefin Markut (Jozi) dhe Besart Kelmendit (Gjesti), kur ky i fundit u godit me shuplakë nga Jozi gjatë transmetimit të drejtpërdrejtë të spektaklit.
Rasti kishte ndodhur pas eliminimit të Jozit nga gara.
Foto: Screenshot/Instagram
Në momentin kur u njoftua largimi i tij, ai iu afrua Gjestit dhe e goditi fizikisht, duke shkaktuar reagime të shumta nga publiku dhe banorët e tjerë.
Pas ngjarjes, produksioni kishte njoftuar Policinë e Shtetit, e cila e shoqëroi Jozin në komisariat.
Gjesti, ndërkaq, mori ndihmë mjekësore, ndonëse incidenti u dënua edhe nga drejtuesit e spektaklit.
Foto: Screenshot/Instagram
Shakohoxha e riktheu këtë moment në diskutim, duke dhënë këndvështrimin e tij për atë që kishte ndodhur dhe duke komentuar një prej episodeve më të bujshme të atij edicioni.
Rikthimi i këtij episodi në diskutim ngre pyetjen nëse është e drejtë që një incident i cilësuar si skandal dhe i dënuar gjerësisht në atë kohë, të rikthehet sërish në vëmendje përmes një emisioni. /Telegrafi/
