Një grup i vogël qytetarësh është mbledhur sot në sheshin “Skënderbeu”, para ndërtesës së Qeverisë, për të protestuar kundër qeverisjes së Albin Kurtit dhe për të kërkuar dorëheqjen e tij.

Organizatori i protestës, Durim Aliu, u ka bërë thirrje pjesëmarrësve që të protestojnë në mënyrë paqësore dhe të mos shkaktojnë dëme. Ai ka deklaruar se pjesëmarrja e vogël nuk i dëshpëron dhe nuk i zmbraps nga vazhdimi i protestave.

“Ne e dimë që shumica nuk guxojnë të dalin këtu për arsye se e rrezikojnë vendin e tyre të punës. Ne e dimë që ky regjim i Albin Kurtit nuk e ka shumë larg me ecë prej këtu. Nuk do të ndalemi me protesta, do ta mbushim sheshin me qytetarë”, ka thënë Aliu.

Gjatë protestës, në shenjë revolte, janë lëshuar autoparlantë.

Pjesëmarrësit kanë brohoritur “Dorëheqje” dhe kanë mbajtur pankarta me mbishkrimet “Keni dështua” dhe “Nuk bëhet kështu”. /KosovaPress

Burimi: Dukagjini