Sipas njoftimit të Zyrës së Presidentes, Shiroka Pula ka theksuar se Kosova është vend proevropian dhe se anëtarësimi në Bashkimin Evropian mbetet synim strategjik i Republikës së Kosovës.

Ajo ka thënë se institucionet e vendit janë të përkushtuara për avancimin e reformave, forcimin e sundimit të ligjit, funksionimin demokratik të institucioneve dhe përmbushjen e standardeve evropiane.

Ndërkaq, ambasadori Schuebel e ka përgëzuar Presidenten Shiroka Pula për qasjen e saj konstruktive dhe përpjekjet për të kontribuar në frymën e bashkëpunimit dhe unitetit në skenën politike të Kosovës.

Në takim, Presidentja ka vlerësuar edhe mbështetjen e Bashkimit Evropian për Kosovën, duke theksuar rëndësinë e partneritetit me BE-në në avancimin e agjendës evropiane të vendit. 

Burimi: RTKLive