Një burrë i lindur më 1999 dhe një foshnjë janë gjetur pa shenja jete mëngjesin e së dielës në një shtëpi në fshatin Demiraj të komunës së Gjilanit.

Zëdhënësi i Policisë së Kosovës për rajonin e Gjilanit, Ismet Hashani, ka bërë të ditur se informacioni për rastin është pranuar më 1 nëntor, rreth orës 08:47.

Në vendin e ngjarjes kanë dalë njësitet përkatëse policore, prokurori i shtetit dhe ekipi emergjent mjekësor. Mjeku kujdestar ka konstatuar vdekjen e të dyve.

Me vendim të prokurorit, trupat e pajetë do të dërgohen në Institutin e Mjekësisë Ligjore në Prishtinë për obduksion.

Hashani ka njoftuar se rasti është cilësuar si “Vdekje e dyshimtë”, ndërsa në koordinim me prokurorin po ndërmerren veprimet operative dhe hetimore për sqarimin e plotë të rrethanave.

Burimi: Dukagjini