Fenerbahçe ka shënuar fitore ndaj Liverpoolit, me golin e sulmuesit të Kosovës, Vedat Muriqi, i cili pas ndeshjes është shprehur tejet i lumtur për këtë sukses.
Muriqi ka thënë se këtë gol ia dedikon tifozëve të flaktë të skuadrës, duke shpresuar që fitorja e arritur të shërbejë si pikë kthese për Fenerbahçen në këtë sezon.
“Kemi kaluar në kohë të vështirë. Kemi treguar sa e madhe është Fenerbahçe. Të gjithë e kanë ndierë këtë. E kemi nisur ndeshjen jashtëzakonisht mirë. Kemi pasur gjuajtje që qëlloi shtyllën, kemi pranuar gol pa fat, por ia arritëm, ia dolëm. Kjo është madhështia e Fenerbahçes. E falënderoj secilin nga zemra. Uroj që kjo fitore të jetë pikë kthese këtë sezon”, ka deklaruar Muriqi.
Sulmuesi kosovar ka rikujtuar edhe ndeshjen e xhiros së kaluar në Ligën e Kampionëve, kur, sipas tij, Fenerbahçe e meritonte fitoren, por u detyrua të kënaqej me një barazim 2:2 ndaj Slavia Pragës.
“Sot kemi arritur fitore të madhe. Kemi pesë pikë dhe Shakhtari e LASK-u janë para nesh. Synimi jonë kryesor është që ta fitojmë Superligën e Turqisë. Por, do të mundohemi të shkojmë sa më larg në Ligën e Kampionëve”, është shprehur sulmuesi i Kosovës.
Sinjali – aty ku e vërteta flet para lajmit!
Burimi: Sinjali
