Një mace në Stamboll ka rrezikuar jetën duke ecur qetësisht mbi parmakun e ngushtë të ballkonit të një ndërtese të lartë, ndërsa shumë metra më poshtë shiheshin rrugët dhe ndërtesat e qytetit.

Macja, me ngjyrë të përzier, ecte mbi parmakun e pambrojtur sikur të ishte duke kaluar nëpër një gardh të zakonshëm, pa u shqetësuar nga lartësia e madhe.

Pamjet kanë nxitur reagime të shumta në rrjetet sociale, ku shumë përdorues kanë kritikuar pronarët për lejimin e maces në një ballkon pa mbrojtje, duke e ekspozuar atë ndaj rrezikut serioz.

Megjithatë, ngjarja pati një përfundim të lumtur. Sipas personit që publikoi videon, pronari arriti ta largonte macen nga skaji i rrezikshëm i ballkonit.

Macja shpëtoi pa pësuar lëndime. /Telegrafi/