Gjilan: U shtir se vuan nga leukemia dhe zhvati afro 190 mijë euro përmes “GoFundMe”, arrestohet i dyshuari

Gjilan: U shtir se vuan nga leukemia dhe zhvati afro 190 mijë euro përmes “GoFundMe”, arrestohet i dyshuari

Gjilan: U shtir se vuan nga leukemia dhe zhvati afro 190 mijë euro përmes “GoFundMe”, arrestohet i dyshuari

Prokuroria Themelore në Gjilan, në bashkëpunim me Policinë e Kosovës, ka vënë në pranga një person me inicialet E.A., i dyshuar për veprën penale të mashtrimit, raporton Gazeta Sinjali.

Sponsor 3M Express

Sipas njoftimit zyrtar të Prokurorisë, i dyshuari E.A. dyshohet se që nga 9 nëntori i këtij viti kishte sajuar një histori të rreme, duke pretenduar se vuante nga sëmundja e rëndë e “Leukemisë Akute”, me të vetmin qëllim përfitimin e kundërligjshëm pasuror.

Përmes një fushate të hapur në platformën online “GoFundMe”, ai u kishte bërë thirrje për ndihmë financiare qytetarëve në Kosovë dhe bashkatdhetarëve në diasporë, kinse paratë i nevojiteshin urgjentisht për trajtim dhe rehabilitim mjekësor.

Nga ky mashtrim, i dyshuari kishte arritur të grumbullonte shumën marramendëse prej 189 mijë e 206 euro e 8 centë. Mirëpo, pas verifikimeve të hollësishme të historikut të tij shëndetësor, u zbulua se ai nuk vuante fare nga sëmundja që pretendonte.

Pas pranimit të informacioneve të para, organet e rendit dhe hetuesisë kanë vepruar me shpejtësi, duke bllokuar menjëherë të gjitha mjetet financiare të grumbulluara në llogaritë bankare të identifikuara që lidhen me këtë rast.

I dyshuari fillimisht ishte shpallur në kërkim policor, ndërsa mbrëmjen e 21 nëntorit 2026, rreth orës 22:00, Policia e Kosovës ka arritur ta lokalizojë dhe ta arrestojë atë.

Me urdhër të prokurorit të shtetit, E.A. është dërguar në mbajtje për 48 orë, ndërsa hetimet lidhur me rastin po vazhdojnë.

Sinjali – aty ku e vërteta flet para lajmit!

/GazetaSinjali/

Burimi: Sinjali

Lexo edhe

Hoxha Labinot Maliqi: GTA 6 është haram, prindërit të mos ua blejnë fëmijëve

Hoxha Labinot Maliqi: GTA 6 është haram, prindërit të mos ua blejnë fëmijëve

Nga 0:2 në triumf spektakolar – Barcelona e frikshme bën përmbysjen e çmendur dhe e “blindon” kreun e tabelës

Nga 0:2 në triumf spektakolar – Barcelona e frikshme bën përmbysjen e çmendur dhe e “blindon” kreun e tabelës

Evropa përballë një kthese historike, zgjedhjet që mund të tronditin themelet e BE-së

Evropa përballë një kthese historike, zgjedhjet që mund të tronditin themelet e BE-së