Charli XCX ishte ndër personazhet më të komentuara në festën e Halloween-it të Kendall Jenner, ku u shfaq me një kostum të frymëzuar nga filmi erotik “Secretary” i vitit 2002.

Këngëtarja rikrijoi pamjen e personazhit Lee Holloway, të interpretuar nga Maggie Gyllenhaal, duke veshur një bluzë të bardhë transparente, fund të zi të ngushtë dhe një mbajtëse në krah.

Zgjedhja e saj mori vlerësime nga fansat, të cilët e cilësuan si një prej referencave më interesante filmike të mbrëmjes, shkruan DailyMail.

Festa në Bar Marmont mblodhi edhe emra të tjerë të njohur, mes tyre Alix Earle, Vittoria Ceretti dhe Finneas, vëllai i Billie Eilish.

Ndryshe nga të ftuarit e tjerë, organizatorja Kendall Jenner u tregua më e rezervuar dhe u largua me makinë pa zbuluar kostumin e saj.

Ndërkohë, Charli së fundmi ka njoftuar se do të shesë disa prej veshjeve të saj të përdorura në skenë dhe pjesë nga garderoba personale përmes platformës Vinted.

Të ardhurat do të dhurohen për organizatën Rainbow Railroad, e cila mbështet personat LGBTQ+ që përballen me persekutim. /Telegrafi/