Atletico Madridi po shqyrton mundësinë e transferimit të dy mesfushorëve të Barcelonës, Gavi dhe Marc Bernal, gjatë afatit kalimtar të janarit.

Sipas raportimeve të mediumit “El Nacional”, trajneri Diego Simeone dëshiron ta përforcojë repartin e mesfushës, veçanërisht pas humbjes 2:0 ndaj Bayern Munichut në Ligën e Kampionëve.

Gavi dhe Bernal janë dy emrat që kanë përfunduar në listën e dëshirave të madrilenëve, të cilët po vlerësojnë mundësinë për t’i afruar në “Metropolitano”.

Megjithatë, realizimi i një transferimi të tillë mbetet i komplikuar. Gjithçka do të varet nga gatishmëria e lojtarëve për t’u larguar, por edhe nga qëndrimi i Barcelonës, e cila duhet të vendosë nëse është e gatshme të negociojë me një rival të drejtpërdrejtë në Spanjë.

Burimi: Insajderi