Arrestohet bosi i drogës në Meksikë, pjesë e listës së 10 më të kërkuarve nga FBI-ja

Arrestohet bosi i drogës në Meksikë, pjesë e listës së 10 më të kërkuarve nga FBI-ja

Arrestohet bosi i drogës në Meksikë, pjesë e listës së 10 më të kërkuarve nga FBI-ja

Një nga bosët më të kërkuar të drogës në ShBA, Fausto Isidro “Chapo Isidro” Meza Flores, është arrestuar në Meksikë pas një përplasjeje të armatosur me forcat speciale meksikane.

Sponsor 3M Express

Meza Flores u arrestua së bashku me një nga bashkëpunëtorët e tij kryesorë gjatë një operacioni të zhvilluar të premten në qytetin Guasave, në shtetin Sinaloa. Lajmi u bë i ditur nga Sekretariati i Mbrojtjes i Meksikës, raporton BBC, transmeton IndeksOnline.

Ai ishte në listën e 10 personave më të kërkuar nga FBI-ja dhe akuzohet nga autoritetet amerikane për trafikimin e sasive të mëdha të fentanilit, kokainës, heroinës dhe lëndëve të tjera narkotike drejt ShBA-së. Uashingtoni ka kërkuar ekstradimin e tij.

Meza Flores, i njohur edhe si drejtues i organizatës Meza Flores, që mban emrin e Kartelit të Guasaves, dyshohet se ishte i përfshirë në trafikun e drogës që prej viteve 1990. Për vite me radhë ai arriti t’u shmangej autoriteteve, duke mbajtur një profil të ulët.

Sipas autoriteteve meksikane, operacioni u realizua bazuar në informacione të inteligjencës amerikane për vendndodhjen e tij. Forcat speciale ndërhynë në mënyrë të befasishme, duke rrethuar zonën për të parandaluar arratisjen e tij dhe mbërritjen e përforcimeve.

Megjithatë, gjatë ndërhyrjes, efektivët u përballën me rezistencë të armatosur, përfshirë të shtëna me armë zjarri dhe shpërthime. Pas përplasjes, ata arritën të hynin në objekt dhe të arrestonin Meza Floresin dhe bashkëpunëtorin e tij.

Ndërkohë, në rrjetet sociale janë publikuar video që pretendohet se tregojnë helikopterë duke qëlluar drejt tokës në zonën e Guasaves. Pamje të tjera duket se tregojnë momentet kur njerëzit në një stadium bejsbolli largohen të frikësuar pasi dëgjojnë të shtëna armësh.

Burimi: Insajderi

Lexo edhe

Deputetet e Kuvendit të Kosovës në takimin vjetor të NATO-s në Berlin

Deputetet e Kuvendit të Kosovës në takimin vjetor të NATO-s në Berlin

FSK realizon qitje me mortaja 120 mm në poligonin e Bizës në Shqipëri

FSK realizon qitje me mortaja 120 mm në poligonin e Bizës në Shqipëri

Lansohet fushata “Dhuro Made in Kosova”, produktet vendore promovohen pa kosto shtesë

Lansohet fushata “Dhuro Made in Kosova”, produktet vendore promovohen pa kosto shtesë